alveg hreint með ólíkindum

andvaraleysi og tómlæti ríkistjórnarinnar er hreint með ólíkindum eins og áður sagði. það er eins og þeim komi þetta ástand ekki við, maður horfir á píndann landann kvíða hverjum morgninum sem hann vaknar á virkum dögum. það er alveg ljóst að nú þarf að gera eh í málinu, á einu ári hefur Evran hækkað um 55% frá 18 júní 2007 (sjá á vefsíðu sedlabanki.is) þar sem hugmyndasmiður hagkerfisins til langs tíma hefur athvarf, ætli hann sé stoltur af verkum sínum? sitjandi í makindum sínum en ábyggilega mjög uggandi um sinna hag þar sem traust almennings á honum hefur farið þverrandi þar sem sársaukafullur atburður hefur farið í gang og engin sér fyrir endann á.

Ljóst er þrátt fyrir að Davíð konungur hafi sagt áður að hafa krónuna bjóði uppá svigrúm ef kreppir að. er óðaverðbólga, okurvextir og skítfallandi gengi gjaldmiðillsins þetta svigrúm sem hann talar um? heimilin sem og fyrirtækin ramba á barmi gjaldþrots, finnst stórnmálamönnum þetta viðunandi? mér finnst alltof lítið talað um þetta í fjölmiðlum, það getur engin þjóð borið svona byrðar til lengdar sérstaklega ekki þar sem þorri landsmanna er með bankaviðskipti að einhverju tagi í formi lána og svo frv. Þjóð í Afríku gæti þetta kanski þar sem hagsmunir þegnana eru hvort eð er gerð að engu.

Þjóðin þarf að fara að sjá einhverja niðurstöðu í þessum málum og það má alveg til sannsvegar færa að farið hefur alltof geyst í góðærinu til þessa en það gildir einu hvort ríkisstjórninn geti bara setið og þagað og þóst vera að gera eh í málinu.

 Ég fer fram á það við rískisstjórnina að hún grípi í taumana nú þegar.

 

Gengi krónunnar aldrei lægra

glatað!

Það vantaði allt púður í þetta hressa lag, Íslendingar halda að þeir séu lagðir í einelti í þessari keppni en það er ekki þannig,

 

Þetta var steindauð sviðsframkoma með uppmáluðum Tinna og Vaílu Veinólínó, vantaði bara Tobba til að koma og gelta þetta upp.

en, kemur manni á óvart með Balkanskagann sem voru farnir að gefa okkur stig, okkur sem gáfu þeim þessum undir okuðum þjóðum frelsi, eru aftur farnir að halla höfði undir harðstjóra sína.  

Sjaldan launar kálfurinn ofeldið.

 

Söngvar

Ísland endaði í 14. sæti

bensín, verðbólga og fl

alveg hreint með ólíkindum.

Enn er ekki séð fyrir endann á eldsneytisverði og verðbólgu, Hagstofan kynnti 3.4% verðbólgu milli mánaða sem þýðir fyrir þann sem skuldar 10 millur í verðtryggðu láni hækkar lánið um 340.000 kall. Sorglegt!! En ríkið ætlar að kasta fram úr erminni 4 millur til fylgjast með verðlagi. JÁ NÚ REDDAST ÞETTA??? Sko! öll neysla Íslendinga síðastliðin ár hefur verið knúin áfram af fasteigna og verðbréfa hækkunum og væntingum fram í tímann, hinn almenni borgari sem átti eða á íbúð sem metin var á í kringum 11 millur 2004 og skuldaði í henni kanski 7 milljónir átti allt í einu 23 milljóna íbúð 2007 með stighækkandi verði á milli ára, þessi sami einstaklingur hugsaði sem svo HEI!!! ástin mín við eigum hérna eign uppá 23 mills og skuldum bara 7. (og þar sem nóg fjármagn var í boði á þeim tíma ákvað þessi sami einstaklingur með ástinni sinna að taka lán) lán til að fara í utanlandsferð, annan bíl, kaupa þetta og kaupa hitt sem verðbólgu og launa þjáður Íslendingurinn hefur einungis látið sig dreyma um hingað til, en látið verða að veruleika, áður en varði voru lánin komin í kanski 15 eða 20 milljónir. Þetta er hinn raunverulegi hagvöxtur sem við höfum keyrt okkar efnahag á. því miður. endemis vitleysa sem er keyrð upp á innihaldslausum rökum og hugartilbúningi, yfirkeyrt bull sem að endanum kemur öllum á kné.

 Svo kemur Guðni karlinn Ágústsson og vill að ríkisstjórnin segi af sér, útaf því að þeir geta ekki tekið á efnahagsmálunum sem framsókn ásamt sjálfstæðisflokki bjuggu til, allt eru þetta samhangandi þættir!! ég lít svo á að núverandi stjórnarflokkar eigi ekki þátt í þessu ástandi nema þó sjálfstæðisflokkurinn og hef ég nú alltaf verið þeirra maður. En það breytir ekki því að ákveðin staða er komin upp hér og engin virðist geta tekið á málum, samfylkingin er ekki að fara að gera nein kraftaverk, því allt þetta fólk í Ríkisstjórn er ekki kunnáttufólk til að taka á kreppuástandinu því allt hefur þetta fólk verið í pólitík þar sem uppgangur og bjartsýni hefur ráðið ríkjum .

 

Ljóst er að hér er um mikinn vanmátt að ræða, hjá stjórnmálamönnum, seðlabankastjórum og þeim sem stýra hagkerfi landsins sem augljóslega er berskjaldaður fyrir hverskyns loddurum sem svífast einskis í skortstöðum sínum sem og öðrum sem ekki horfa til hagsmuna okkar og alltaf virðast stjórnmálamennirni vera jafnhissa hvað hitt og þetta gengur illa samanber ummæli þeirra varðandi verðbólgudjöfullsins sem heimsótti okkur í dag í boði hagstofu Ísland.

 

Evrópusambandið er eitthvað sem við eigum að horfa til, upptaka EVRU er eina rétta í stöðunni, við fengjum betri vexti og lægra vöruverð, miklu minni verðbólgu og mun meiri stöðugleika. Afhverju?? jú við komumst ekki einusinni í EB nema lækka vexti og minnka verðbólgu. Við höfum tekið ÍSLENDINGINN í afstöðu okkar til EB, þetta kostar okkur meira en við fáum út úr dæminu!! Eb getur farið að valsast með fiskveiðar okkar (hver hefur heyrt um sjávarútveg í laaaaangan tíma??) en þar fyrir utan þá kostar alltaf að vera í klúbbi en í staðinn fengjum við mun meira aðhald í efnahagsmálum og meiri skilning á sérstöðu okkar og Davíð og hans félagar fengju ekki að valsa um eins og þeir vilja á okkar kostnað með aðgerðum sem eru einungis til þess að grafa undan velferð okkar og hagsmunum sem við þurfum að geta treyst á í þessu litla eylandi okkar um ókomna tíð.

 

Skeljungur hækkar eldsneytisverð

Týpískt Íslenskt

Alveg hreint með ólíkindum með allt hérna á Íslandi, einn verktaki fer á hausinn og þá leggst verkið bara af, hvað er í gangi??? það er umhorfs þarna við Voga afleggjara eins og albrjálaður maður hafi komið þarna á stærstu fáanlegri vinnu vél og tekið kast, síðan hafa komið einhverjir útreiknings sérvitringar sem aldrei hafa gert neitt nema teikna á pappír og senda menn með grjót til að varna að menn detti oní gryfjurnar, svo bara ekki sögunar meir. En hvert slysið á fætur öðru rekur upp á þetta ömurlega og sorgsetta svæði, þá er bara keyrt inn meira af grjóti??? ég bara hreinlega skil ekki þessi vinnubrögð, í kvöld kemur svo enn einn apakötturinn þ.e. samgönguráðherra og fer að lýsa eign reynslu af slysi sem endaði oní skurð??? hvern andskotann kemur það málinu við??? Reykjanesbrautin tvöfaldast ekki af sjálfu sér vegna þess að hann skransaði eitthvað, svo réttlætir hann þetta allt saman með hálku og slæmu veðri og útboðs reglum. Ég fer þarna um á hverjum degi og kvíði þessum kafla alltaf því eins og áður sagði þá er þetta eins og eftir brjálæðing, þegar maður keyrir að svona framkvæmdum í USA eða ES þá eru allskyns merkingar, viðvaranir og ljós þúsund sinnum betri en gert er hér.  En Kristján, drullast til að klára þetta áður en fleiri liggja í því.

Þrennt er enn á gjörgæslu

kynsjúkdómar

alveg hreint með ólíkindum þessi umfjöllun um kynsjúkdóma, þúsundir manna greinast á ári hverju með Klamidíu og annarskyns sjúkdóma vegna ónærgætins lifnaðarháttar. það virðast engar hömlur á þessari taumlausri kuntu gleði þjóðarinnar sem lætur allt ríða yfir sig, skvettugangur kvenþjóðarinnar á öldurhúsum borgarinnar og greddu gleðin sem því fylgir virðist einungis færast í aukanna, lausgirtar konur með ranghugsuðum drengjum sem svífast einskis í þessum málum eru að draga sig saman í allskyns hópriðilsgengjum til þess eins að seðja kynlífsfíkninni, allt endar þetta í því að einstaklingurinn finnst hann minna virði eftir leikanna, sjálsvirðingin firrt og móralinn alsráðandi í litlu sálartetrunum, svo ekki sé nú talað um þá ömurlegu staðreynd með kynsjúkdómana. svo stelpur haldið upp um ykkur buxunum og strákar verið eins og menn.

króna verður að sóla

Mikið hefur verið fjallað um íslenskt efnahagslíf að undanförnu og þá sértaklega af neikvæðum toga, krónan, bankarnir, og hlutabréfin hafa ekki farið varhuga frá umfjölluninni. Við Íslendingar höfum lifað tímanna tvenna í ólgusjó peninga róstursins, óðaverðbólgu, okurvaxta og neikvæðni. það hlýtur að muna þetta hvaða mannsbarn sem er orðið eldra en 30 ára, en flestir yngri en það ólust upp í allt öðru umhverfi en fyrrgreindur hópur, þó svo að það skipti engu máli í þessari umræðu. síðastliðin ár höfum við Íslendingar upplífað ótrúlegt efnahagslegt umhvefið, sem við höfum bara hreinlega aldrei kynnst. Allt gekk svo vel, allir græddu á tá og fingri og skipti engu hvað það var, á bílnum, húsunum, vinnunni, lántökuninni, allir græddu og innlendir jafnt sem erlendir voru tilbúnir til að lána landanum peningaupphæðir sem honum datt í hug. jákvæðni, lágir vextir og lítil verðbólga (um 6%) hafði ekkert nema jákvætt í för með sér. Nú hefur harðnað á dalnum. dettur manni helst í hug að tímarnir séu að mæta aftur (fyrir 30 árum síðan) engin tiltrú á einu né neinu og það sem manni finnst alvarlegast er að fáir virðast hafa tiltrú á krónunni, króna sem  er af orðinu Kóróna er orðin að engu nema sóla, ég spyr bara hverning getum við ætlast til þess að einhverjir aðrir hafi tiltrú á krónunni ef við höfum hana ekki sjálfir, hvernig lítur það út fyrir erlendum fjárfestum og lánadrottnum að horfa til íslands ef við höfum ekki tiltrú á gjaldmiðli okkar? Hvernig gengi manni að selja bílinn sinn sem væri kanski í ágætis standi ef maður hefði ekki nokkra tiltrú á honum? Hugafarið þarf að breytast og sjálfstraustið má ekki víkja fyrir tímabundinni ládeyðu, þetta er tímabundið ástand eins og uppgangstímar voru og tekur enda, höldum virðingu okkar og seljum bílinn okkar fyrir krónur ekki sóla.